Башҡортостан Республикаһында 2014 йылда мәҙәниәт һәм сәнғәт өлкәһендә республика, Бөтә Рәсәй һәм халыҡ-ара кимәлдә уҙасаҡ саралар планы раҫланды.

Документҡа ярашлы, йыл аҙағынаса бик күп әһәмиәте саралар көтөлә. Традиция буйынса «Салауат йыйыны», Рудольф Нуриев исемендәге XX Халыҡ-ара балет фестивале, Урал һәм Волга буйы композиторҙары һәм музыканттары фестивале, Халыҡ-ара Аксаков көндәре, Бөтә Рәсәй хор дирижерҙары конкурсы, «Бөйөк дала» III республика башҡорт рок-фестивале уҙасаҡ. Шулай уҡ тәүге тапҡыр Башҡортостандың халыҡ шағиры Мостай Кәримдең тыуыуына 95 йыл айҡанлы Мостай уҡыуҙары һәм «Аҡбуҙат» халыҡ-ара милли һәм этник кино кинофестивале үҙ ишектәрен асасаҡ.

Мәҙәниәт йылына тағын да бик күп күргәҙмәләр, семинарҙар, конкурстар, мастер-кластар ҡаралған.