Республиканың мәҙәни донъяһы тәҡдим иткән саралар, тамашалар, спектакль-концерттар бары тик һеҙҙең өсөн әҙерләнә. Уларҙың береһенә булһа ла үҙегеҙҙең иғтибарығыҙҙы бүлерһегеҙ, тигән ышаныста 10 ноябрь афишаһын тәҡдим итәбеҙ. М. Ғафури исемендәге БДАД театрында авторҙың *Ҡара йөҙҙәр* спектакле тәҡдим ителә. Ғәйепһеҙ кешеләрҙең башына башҡа кешеләрҙең етеүе хаҡындағы тетрәткес драма театрҙың ҙур сәхнәһе залында, киске етелә башлана. М. Кәрим исемендәге Милли йәштәр театрында Д. Балыконың *Ҡара ҡанатлы аҡ фәрештә*, тип аталған спектакль көтөлә. Башҡаларға оҡшамаған, үҙенсәлекле, күңеле бай, әммә күбеһенә асылып бармаған кешеләр хаҡындағы спектакль, шулай уҡ, театрҙың ҙур сәхнәһе залында, киске етелә башлана. Рус дәүләт академия драма театрында Д. Богославскийҙың *Кешеләрҙең мөхәббәте*, тип аталған спектакль була. Заманса тарихты театрҙың ҙур залында, киске етелә ҡарағыҙ. Өфө *Нур* дәүләт татар театры иһә, Ғ. Ҡәйүмовтың *Һинд ҡыҙы* спектаклен ҡарарға саҡыра. Һәр ваҡыттағыса, комедия жанрындағы спектакль театрҙың ҙур залында, киске етелә башлана.