Шаршамбы, 7 декабрҙә, Өфөлә Башҡортостан Яҙыусылар союзының сираттан тыш съезы үтәсәк. Көн тәртибендә бер мәсьәлә — Башҡортостан Республикаһының Яҙыусылар союзы идараһы рәйесен һайлау.
Ижади ойошма идараһынан асыҡлауҙарынса, ағымдағы йылдың апрель айында үткән съезда һайланған шағир Азамат Юлдашбаев рәйес вазифаһында Рәсәй Юстиция министрлығының Башҡортостан буйынса Идаралығы менән раҫланмаған, сөнки һайлауҙарҙа ул тейешле тауыш йыймаған (тауыштарҙың өстән ике өлөшө). Был талапты мотлаҡ үтәү тураһында республика яҙыусыларына хәбәр итмәгәндәр.
Сираттан тыш съезд Хөсәйен Әхмәтов исемендәге Башҡорт дәүләт филармонияһының ҙур залында үтәсәк. Башлана – 9.30 сәғәттә.
Автор: Любовь Колоколова
«Башинформ»