6 ноябрҙә М. Кәрим исемендәге Милли йәштәр театрында Урал-Волга төбәктәренең «Ниточка» ҡурсаҡ театрҙары фестивале асылды. Фестиваль Башҡорт Дәүләт Ҡурсаҡ театрының 80 йыллыҡ мәртәбәле юбилейы һәм республикала иғлан ителгән Имен бала саҡ һәм ғаилә ҡиммәттәрен нығытыу йылына арнала.

Ойоштороусылары: Башҡорт Дәүләт Ҡурсаҡ театры, Башҡортостан Республикаһының Мәҙәниәт министрлығы, Башҡортостан Республикаһының театр эшмәкәрҙәре союзы, Өфө ҡалаһы Ҡала округы хакимиәте.

Фестивалде асыу тантанаһында БР Хөкүмәте Премьер-министр урынбаҫары – Лилиә Ғүмәрова, БР Мәҙәниәт минситры Әминә Шафиҡова, театр белгестәре, сәнғәт һөйөүселәр һ.б. ҡатнашты.

6 ноябрҙән 11-нә тиклем баш ҡалабыҙҙың кескәй тамашасылары Урал-Волга төбәктәренән килгән театр коллективтарының эштәре менән танышыу мөмкинлеге аласаҡ. «Ниточка» ҡурсаҡ театрҙары фестивалендә Һамар, Пенза, Ырымбур, Ульяновск, Ҡазан, Ижевск, Яр Саллы ҡалаларынан килгән ҡурсаҡ театрҙары менән танышырға мөмкин. 

«Башҡортостандың мәҙәни донъяһы» порталы

Фотогалереяға күсергә