Белеүегеҙсә бөгөнгө көндә Башҡорт дәүләт опера һәм балет театрында ҙур ремонт эштәре бара. Эшселәр сәнғәт усағының эсен генә түгел, ә тышын да матурлау өсөн бар көстәрен һалып эшләйҙәр. Театрҙың артында урынлашҡан баҡсала диаметры 18 метр булған фонтан төҙөү ҙә ҡаралған, шулай уҡ саф һауала йәйәүлеләргә ял итер өсөн майҙаны 10 000 квадрат метр булған майҙансыҡ та буласаҡ. Бында ремонт эштәре тамамланғас, ҡала кимәлендәге төрлө саралар уҙғарып буласаҡ.