Был яңы биналар күп функциялы буласаҡ тип күҙаллана. Төҙөлөшкә ике урын билдәләнгән – Конгресс-холл менән БДУ араһында, Ағиҙел ярында һәм “Каруанһарай” комплексы янындағы биләмәлә. Проекттар әлегә тулыһынса раҫланмаған.
Мәҫәлән, “Каруанһарай” тирәһендә автомобиль ҡуйыу урынын иҫәпләмәгәндәр. Өфө мэры Ирек Ялалов ҡала төҙөү советы ағзаларына проектлаусыларға ярҙам итергә ҡушҡан.
Яңы ҡунаҡханалар, төп функцияларынан тыш, ҡаланың иң күркәм урыны һәм халыҡҡа ял итергә уңайлы биләмә лә буласаҡ.
Шулай уҡ баш ҡалала, ҡунаҡханаларҙан тыш ике музей төҙөү ҡаралған. Музейҙарҙың береһе Телеүҙәк эргәһендә икенсеһе Цюрупа һәм Чернышевский урамдары мөйөшөндә төҙөү күҙаллана.