Донъяла һәйкәлдәрҙең күплегенә һәм төрлөлөгөнә иҫ китерлек! Ниндәйҙер ваҡиғаға ҡарата ҡуйылғаны ла, аныҡ кешене һынландырғаны ла бихисап. Был дөрөҫтөр ҙә, сөнки өнһөҙ һәйкәлдәр беҙҙе үткәнебеҙ менән бәйләй, үҙҙәренең мөһабәтлеге һәм бөйөклөгө менән ыңғай тойғолар уята.

Баш ҡалала оҙаҡламай тағы ла 5 һәйкәл ҡуйыласаҡ, тип көтөлә. Ленин исемендәге паркта 1812 йылғы Ватан һуғышына арналған һәйкәлдәр комплексы, тимер юл вокзалы территорияһында Башҡортостандан Бөйөк Ватан һуғышына китеүселәр хөрмәтенә мемориал, шулай уҡ Башҡортостандың халыҡ яҙыусыһы Зәйнәб Биишеваға, Башҡортостандың халыҡ шағиры Мостай Кәримгә һәм рәссам Михаил Нестеровҡа һәйкәлдәр асыласаҡ.