Башҡорт академия драма театры артистары үҙҙәренең тамашасыларына театрҙың оркестры ҡатнашлығында йыр кисәһе бүләк итте.
Йылдың иң күңелле байрамына арналған идеяны театрҙың художество етәксеһе Олег Ханов үҙе хупланы. Быға тиклем оркестр театрҙың фойеһында тамашасылар күңелен асыуҙа һәм бер нисә спектаклдә генә ҡатнаша торғайны. Ә инде был программала, оркестр үҙенең мөмкинселектәрен бөтә яҡтан да күрһәтә алды.
Яңы йыл тамашаһы, театрҙа йыйылған театр һөйөүселәренә бигерәк тә оҡшап ҡалды. Улар күп кенә ваҡыт, үҙҙәренең яратҡан артистарын сәхнәнән ебәрмәй торҙо.
Республиканың «Тамаша» журналы, үҙенең йыл башында башланған конкурсы тураһында таныштырып үтте. Конкурс Башҡорт академия драма театрынан башланып, ҡалған мәҙәниәт учрежденияларына күсәсәк. Конкурстың маҡсатына ярашлы, театр критиктарынан, журналистарҙан торған комиссия, йыл буйына театрҙа мәҙәни күҙәтеү алып барырға тейеш. Йыл аҙағында, конкурстың номинацияларына тап килтереп, комиссия «Иң һәйбәт ирҙәр ролен башҡарыусы, Ҡатын-ҡыҙҙар ролен башҡарыусы, Дебют һәм башҡа номинацияларҙа еңеүсене иҫбатларға тейеш. Был йылда еңеүселәр итеп Дебют номинацияһында Гөлмирә Исмәғилева, Альберт Нестеров һәм Светлана Хәкимова (Альбина роле «Бәхет хаҡы» спектакле) менән Хөрмәтулла Үтәшев(«Царь Эдип» спектакле) еңеүсе итеп танылды. Уларға дипломдар һәм иҫтәлекле бүләктәр тапшырылды. «Башҡортостандың мәҙәни донъяһы» порталы