Хөсәйен Әхмәтов исемендәге Башҡорт дәүләт филармонияһы «Ҙур ҡаланың йондоҙҙары» тип аталған тамаша менән үҙенең 76-сы ижад миҙгелен тамамлаясаҡ.

19 май «Химиктар» мәҙәниәт һарайында һәм 21 май филармонияның Ҙур залында үтәсәк йомғаҡлау концертында танылған йондоҙҙар Нәзифә Ҡадирова, Вәхит Хызыров, Әлфиә Юлсурина, Радик Вәлмөхәмәтов, Римма Амангилдина, Руслан Сәйфетдинов, Марсель Ҡотоев, «Карауанһарай», «Далан», «Сармат» фольклор-эстрада төркөмдәре, «Ҡыҙыҡ һәм Мәҙәк» эстрада театры һәм башҡа артистар ҡатнашасаҡ. Тамаша йыр-моңға, уйын-көлкөгә бай буласаҡ, тип вәғәҙәләй ойоштороусылар. Рәхим итегеҙ!