2 март Башҡорт дәүләт опера һәм балет театрында Адольф Адандың мауыҡтырғыс «Корсар» балеты үтә, ҡуйыусыһы – билдәле балетмейстр һәм хореограф Юрий Григорович, дирижеры – Герман Ким.
Хореография йөкмәткеле, һәр па үҙенсәлекле һәм мәғәнәле. Балетта соло сығыш та, күмәк бейеүҙәр ҙә бар. Бер сәхнәлә билдәле артистар менән бер рәттән яңы ғына ижад юлын башлаған йәштәр ҡатнаша.
Партияны Ирина Сапожникова (Медора), Илнур Ғәйфуллин (Конрад), Руслан Абулханов (Биранто), Ринат Абушахманов (Сәйет-паша), Алексей Титов (Ланкедем), Рөстәм Исхаҡов һәм Валерия Исаева (алыпһатар һәм ҡол), Римма Вәлиева (Корсарка), Миңлегөл Түлебаева (ҡол) башҡара. Автор: Башҡорт дәүләт опера һәм балет театрының мәғлүмәт хеҙмәте
«Башҡортостандың мәҙәни донъяһы» порталы