3 июль оҙайлы ауырығандан һуң Башҡортостандың атҡаҙанған артисы Әлфиә Хамбалиева мәрхүмә булып ҡалды.

Әлфиә Саяр ҡыҙы 1963 йылда Силәбе ҡалаһында тыуған. 1987 йылда Өфө дәүләт сәнғәт институтын «соло башҡарыу» йүнәлеше буйынса тамамлай (Р.Ғәлимуллина класы).

1989–94 Башҡорт дәүләт филармонияһы солисы.

1994–2013 Башҡорт дәүләт опера һәм балет театрының опера труппаһы солисы. Унда эшләү дәүерендә йырсы Аида ("Аида" - Верди Дж.), Әминә ("Салауат Юлаев" - Исмәғилев З.Г.), Лиза ("Пиковая дама" - Чайковский П.И.), Мими ("Богема" - Пуччини Дж.), Татьяна ("Евгений Онегин" - Чайковский П.И.), Ярославна ("Князь Игорь" - Бородин А.П.) партияларын башҡара. 1996, 2000 йылдарҙа Төркиәлә үткән төрки телле халыҡтарҙың опера музыкаһы фестивалендә ҡатнаша.

Йырсы тураһында яҡты иҫтәлектәр күңелдәрҙә оҙаҡ һаҡланыр.