Ғәббәс Дәүләтшиндың тыуыуына 120 йыл

Билдәле ғалим, башҡорт әҙәби теленә нигеҙ һалыусыларҙың береһе Ғәббәс Дәүләтшиндың тыуыуына 120 йыл тулды. Ошо уңайҙан Башҡорт дәүләт университетында хәҙерге төрки филологияһының көнүҙәк мәсьәләренә арналған Бөтә Рәсәй ғилми-ғәмәли конференцияһы үтте.

Ғәббәс Дәүләтшиндың 120 йыллығын уҙғарыу тураһында Республика Хөкүмәтенең махсус күрһәтмәһе бар. Ғалимдың вариҫы, хаҡлы ялдағы уҡытыусы Мәрғүбә Сынбулатова төрлө архивтарҙа эҙләнеп, Ғәббәс Дәүләтшин тураһында материалдар туплаған. Конференцияла әҙипкә, уның эшмәкәрлегенә арнап китап сығарыу тураһында ҡарар ҡабул ителеп, баҫма нәшриәткә тапшырылды.

«Ашҡаҙар» радиоһы