Башҡорт дәүләт ҡурсаҡ театры кескәй дуҫтарын «Йән дуҫтар» («Верные друзья») әкиәтен ҡарарға саҡыра.
Тамаша алдынан балаларҙы фойела Ҡыш бабай, Ҡарһылыу, әкиәт геройҙары ҡатнашлығында күңелле бал-маскарад ҡаршы аласаҡ.
Улар хореография, сағыу костюмдар, музыка ярҙамында мөғжизәле яңы йыл алды атмосфераһын бүләк итәсәк.
Ә сәхнәлә инде балаларҙы спектакль ғына түгел, ә Яңы йыл детективы көтә.
Төп ролдәрҙә иһә балалар яратып ҡараған мультфильдарҙың геройҙары Крокодил Гена һәм уның дуҫтары Чебурашканы яуыз дошмандар ҡулынан азат итергә тейеш. Был эштә иһә килгән балалар ҙа ярҙам итә...

Яңы йыл тамашалары 11.00, 14.00, 17.00 сәғәттә башлана.
Спектаклдәр 2015 йылдың 19 декабренән 2016 йылдың 10 ғинуарына тиклем барасаҡ.