Рус дәүләт академия драма театры мөрәжәғәте буйынса “Несчастный случай” төркөмө йырсыһы Алексей Кортнев “Аҡбуҙат” эпосы нигеҙендә рок-опера яҙа. 

Билдәле музыкант таныуынса, әлегә уның этник музыка менән эш иткәне булмаған. Башҡорт эпосы ижади карьераһында тәүге ошондай һынау. Йырсы либретто яҙыуҙан тыш, уны башҡарасаҡ кешеләрҙе лә үҙе һайлай. Рок-операла профессиональ артистарҙан тыш, вокаль һәм хореографик һәләте булған һәүәҫкәрҙәр ҙә ҡатнаша ала. Мюзикл Республика башлығы грантына әҙерләнә, премьера йыл аҙағында булыр тип көтөлә.