25-29 май Өфөнөң «Родина» кинотеатрының Йәшел залында башҡорт киноһы аҙналығы үтә. Сара «Башҡортостан» киностудияһының ойошторолоуына 25 йыл тулыу айҡанлы уҙа. Шуныһын да билдәләп үтергә кәрәк, аҙналыҡта ҡатнашҡан бөтә фильмдар ҙа Халыҡ-ара кинофестивалдәр ҡатнашыусыһы һәм призеры.

25 май Булат Юсупов, Айнур Асҡаров, Таңсулпан Бураҡаева, Роман Пожидаевтар төшөргән ҡыҫҡа метражлы картиналар күрһәтеләсәк.

26 май тамашасы иғтибарына документаль фильмдар тәҡдим ителәсәк. Унда Вилүрә Иҫәндәүләтова, Радик Кильмаматов, Айнур Асҡаровтың эштәре күрһәтеләсәк.

27-28 май – нәфис фильмдар менән иҫтә ҡаласаҡ. Айсыуаҡ Йомағоловтың «Ел аулаусы» һәм Булат Йосоповтың «13 раунд» фильмдарын ҡарарға мөмкин буласаҡ.

29 май кинотеатр кескәй тамашасыларҙы көтөп ҡала. Рим Шәрәфетдиновтың һәм Елена Юшкованың анимацион фильмдары уларҙың күңеленә бик тә хуш киләсәк.

Бөтә сеанстар ҙа 14.00 сәғәттә башлана, инеү бушлай. Шулай уҡ аҙналыҡ сиктәрендә фильмдарҙың режиссерҙары менән дә осрашыу ҡаралған.