Бөгөн Хөсәйен Әхмәтов исемендәге Башҡорт дәүләт филармонияһының Орган залында хәҙерге башҡорт композиторҙарының әҫәрҙәренән торған концерт үтә. Нур Дауытов, Азамат һәм Даниил Хәсәншиндар, Андрей Березовский, Рәшит Йыһазов, Салауат Сәлмәнов, Илдар Хисаметдинов, Валерий Скобелкин, Рафаэль Ҡасимов, Айһылыу Сәлмәнова, Азамат Аҙнағолов һәм Руслан Әхмәров тамашасы хөкөмөнә үҙҙәренең музыкаль композицияларын тәҡдим итәсәк. Элекке әҫәрҙәр менән бер рәттән премьералар ҙа яңғыраясаҡ.

Хәҙерге башҡорт композиторҙары ниндәй йүнәлештә эшләй, уларҙың ижадындағы төп тема һәм образ хаҡында белгегеҙ килһә, 19.00 сәғәттә үтәсәк концертҡа рәхим итегеҙ!