«Башҡортостан гүзәле–2015»
Башҡортостанда студенттар араһында «Башҡортостан гүзәле–2015» II республика матурлыҡ конкурсы үтәсәк. Кастинг 2 мартта Өфөнөң «Родина» кинотеатрында үтте.
Бәйге Бөтә Рәсәй конкурсының төбәк этабы булып тора. Сараны «Мисс Башкортостан» модель агентлығы, Башҡортостан Дәүләт Йыйылышы ҡарамағындағы йәштәр палатаһы, Рәсәй йәштәре союзы ойоштора.
«Башҡортостан гүзәле–2015» конкурсының финалы 7 апрелдә Мәжит Ғафури исемендәге Башҡорт дәүләт академия драма театрында уҙасаҡ һәм Бөйөк Еңеүҙең 70 йыллығына бағышланасаҡ.