Башҡортостан хөкүмәте тарафынан 2015 йылда Өфөлә үтәсәк ШОС һәм БРИКС саммиттарына әҙерлек планы раҫланды.
Ижтимағи-мәҙәни йүнәлештәге саралар исемлегендә Рудольф Нуриев исемендәге халыҡ-ара балет сәнғәте фестивале, Халыҡ-ара опера сәнғәте фестивале «Өфөлә Шаляпин кистәре» («Шаляпинские вечера в Уфе»), «Аҡ йылға» («Белая река») симфоник музыка фестивале, Халыҡ-ара төрки телле театрҙарҙың «Туғанлыҡ» фестивале, Халыҡ-ара милли мәҙәниәттәр фестивале «Берҙәмлек – Содружество», Евразия кино фестивале, Халыҡ-ара баҫма графика триенналеһы «URAL PRINT TRIENNIAL», Халыҡ-ара һынлы сәнғәт күргәҙмәһе «Дешт һәм Ҡыпсаҡ васыяты» («Заветы Дешт-и-Кипчак»), Халыҡ-ара Дельфий уйындары (Дельфийские игры).
Вице-премьер Салауат Сәғитов әйтеүенсә, был мөһим сараларҙы ойоштороуҙа бөтә министерстволар һәм уларға ҡараған тармаҡтар ҡатнашасаҡ. Күп форумдар халыҡ-ара статусын аласаҡ, был уларҙың мәртәбәһен арттырасаҡ. План үтәлешен контролдә тотор өсөн яуаплы кешеләр билдәләнде. Сығанаҡ: БР Хөкүмәт аппараты канцелярияһы
«Башҡортостандың мәҙәни доняһы» порталы