Башҡортостан опера йырсыһы Төрксой Халыҡ-ара опера көндәрендә сығыш яһай.

24 сентбяргә тиклем ҡояшлы Төркиә һәм Төньяҡ Кипрҙа Төрксой төрки халыҡтар мәҙәниәте Халыҡ-ара ойошмаһы оло байрам үткәрә.
Бында сираттағы Халыҡ-ара опера көндәре уҙғарыла.
Төрксойҙың генераль сәркәтибе Дүсән Касеинов әйтеүенсә, ойошмаға ингән илдәрҙең опера һәм балет оҫталары Стамбулда, Төньяҡ Кипр ҡалаларында сығыш яһау өсөн йыйылған.
Артистарҙың сығышы ойошманың Анталия ҡалаһында үтәсәк ХХII Халыҡ-ара опера һәм балет фестивале программаһының да биҙәге буласаҡ.
Төрлө төрки илдәрҙән йыйылған 24 башҡарыусы араһында Башҡорт опера һәм балет театры солисткаһы, Башҡортостандың халыҡ артисы Светлана Арғынбаева ла бар.