Яҙыусылар союзы республикала ижади ойошмаларҙан иң олоһо һанала. Ул 1934 йылдың 15 мартында барлыҡҡа килә.

80 йыл эсендә Яҙыусылар союзы менән Афзал Таһиров, Төхвәт Йәнәби, Йософ Гәрәй, Низам Ҡәрипов, Баязит Бикбай, Сәйфи Ҡудаш, Әхнәф Харисов, Мостай Кәрим, Назар Нәжми, Хәким Ғиләжев, Әсғәт Мирзаһитов, Динис Бүләков, Рауил Бикбаев, Азамат Юлдашбаев, Риф Тойғон кеүек шағирҙар һәм яҙыусылар идара итә. Бөгөнгө көндә ойошмала Наил Ғәйетбаев етәксе булып хеҙмәт итә.

Яҙыусылар союзында поэзия, проза, әҙәби тәнҡит, драматургия, балалар әҙәбиәте секциялары, рус һәм татар яҙыусылары берләшмәһе, әҙәби мираҫ буйынса комиссия уңышлы эшләп килә. 2014 йылға 250 кеше ойошма ағзаһы булып тора.