2013 йылдың 30–31 майында Сыуашстанда Башҡортостан көндәре үтә. Шуға ярашлы, Сыуаш дәүләт сәнғәт музейында БР-ҙың Милли музейы фондынан башҡорт халҡының этнографияһын сағылдырған «Башҡорт халҡының материаль мәҙәниәте» күргәҙмәһе эшләйәсәк. Унда халҡыбыҙҙың традицион йәшәү йорто – тирмә ҡуйыласаҡ, эсе милли колорит менән һуғарылған төрлө биҙәкле таҫтамалдар, шаршауҙар, балаҫтар, өй кәрәк-яраҡтары –күндән һәм тиренән һауыт-һаба, һандыҡ, һунар өсөн ҡорамалдар менән биҙәләсәк. Шулай уҡ милли костюм, биҙәүестәр менән танышырға була.