Экспозицияға диңгеҙ, караптар һәм пираттарға арналған һүрәттәр ҡуйылды. Уларҙың авторы ике тиҫтә йылдан ашыу ошо йүнәлештә ижад итеүсе Юрий Бычков.

"Минең рәсемдәремдә уйҙырмаға урын юҡ, - ти автор. - Бөтә караптар ҙа тарихи документтар нигеҙендә төшөрөлгән". Күргәҙмәлә Юрий Бычковтың 36 әҫәрен күрергә мөмкин. Барлығы ул өс йөҙҙән ашыу карапте һүрәтләп өлгөргән. Рәссам ысын матрос, диңгеҙсе кеүек майлы буяу, акварель, гуашь менән ижад итергә ярата.

Ватан тарихы, хәрби эш, елкәнле флот тарихы, хәрби-диңгеҙ судноларын моделләштереүгә ғүмерен бағышлаған Юрий Бычков байтаҡ диңгеҙҙә йөҙгән. Рәссам ВДНХ-ның биш авторлыҡ таныҡлығына һәм көмөш миҙалға эйә.