23–26 май Магнитогорск ҡалаһының И.Х.Ромазан исемендәге Спорт һарайында «Башҡорт тауарҙары көнө» Беренсе Төбәк-ара йәрминкә үтә. Сара Башҡортостан менән Силәбе араһындағы үҙ-ара хеҙмәттәшлек итеү килешеүе буйынса үтә. Йәрминкәне Башҡортостан Республикаһы Хөкүмәте, Башҡортостандың Силәбе өлкәһендәге вәкиллеге, Магнитогорск ҡалаһы хакимиәте ярҙамында «Башҡорт сауҙа йорто» һәм «Экспо Групп Урал» компаниялары ойоштора.

Ҡала халҡына республикала етештерелгән башҡорт балы, файҙалы сәйҙәр, аш-һыу, хужалыҡ тауарҙары, ҡулдан эшләнгән сувенирҙар һәм башҡа тауарҙар тәҡдим ителә.

Йәрминкә сиктәрендә «Башҡорт киноһы төнө» ойошторола. Унда «Башҡортостан» киностудияһы режиссерҙары, башҡорт эстрадаһы йондоҙҙары ҡатнаша.