7 июндә Ырымбур өлкәһендә үтәсәк байрамға рәсми делегация менән республика хөкүмәте, мәҙәниәт министрлығы, Көйөргәҙе һәм Мәләүез райондары вәкилдәре бара. 

Концерт программаһында шулай уҡ башҡорт эстрадаһы артистары сығыштары планлаштырылған, "Карауан" фольклор-эстрада төркөмө, Хөсәйен Әхмәтов исемендәге Башҡорт дәүләт филармонияһы  солистары, Фәйзи Ғәскәров исемендәге ансамбль, Көйөргәҙе һәм Мәләүез ижади коллективтары ҡатнашасаҡ. Һабантуй барышында башҡорт этно-фольклор майҙансығы булдырыла, ошондай уҡ республика етештереүселәре тауарҙары тәҡдим ителәсәк.