Башҡортостан Республикаһы башлығының мәҙәниәт өлкәһендә биреләгән гранты ярҙамында төшөрөлгән фильм республиканың төп телеканалында эфирға сыға.

«Башҡорт легендалары – йырҙарҙа» исеме аҫтында Әбйәлил районы Ташбулат ауылы янында төшөрөлгән музыкаль проект баштан уҡ тамашасы һөйөүен яуланы. Премьера март башында баш ҡала мәҙәниәт усаҡтарында үтте. Артабан ул республика район-ҡалаларында күрһәтелде. Хәтерегеҙгә төшөрәбеҙ, 40 минутлыҡ фильмда төп ролдәрҙе ете ҡыҙ башҡара. Йырҙарҙа йырланған башҡорт ҡатын-ҡыҙының еңел булмаған яҙмышы хаҡында Башҡортостан юлдаш телевидениеһында 29 мартта төнгө сәғәт унда ҡарағыҙ.