18 май Башҡортостан юлдаш телевидениеһында ауыл хужалығы хаҡында яңы программа старт ала. Ул һәр аҙна шәмбе көнө рус һәм башҡорт телдәрендә 20.15 эфирға сығасаҡ.

Тапшырыуҙа ауыл хужалығында барлыҡҡа килгән проблемалар, уларҙы хәл итеү юлдары һәм башҡа актуаль темалар күтәреләсәк. Проект етәксеһе Шамил Кучуков әйтеүенсә, программала хужалыҡ предприятиеларының уңыштары, тәжрибәһе, уларҙың үҫешенә тос өлөш индергән эшсәндәр хаҡында ла бәйән ителәсәк. Әйткәндәй, телевизор ҡараусылар ҙа борсоған һорауҙарын бирә ала.

Тапшырыуға республиканың ауыл хужалығы министры Николай Коваленко ла ҙур өмөттәр бағалай: «Ауылдың, хужалыҡ эшсәндәренең престижын күтәреүҙә ыңғай роль уйнар тип уйлайым. Шулай уҡ үҙҙәренең эшен асырға теләүсе йәштәргә лә тәжрибәле фермерҙарҙың кәңәштәре файҙалы булыр».