Башҡортостанда Халыҡ-ара Аксаков көндәре башланды. Республика Президенты күрһәтмәһенә ярашлы, байрам Өфө ҡалаһында, Бәләбәй, Ҡырмыҫҡалы һәм Өфө райондарында үтә. Быйылғы сара Сергей Аксаковтың тыуыуына 221 йыл, Рәсәй тарихы йылына, Бәләбәй районында урынлашҡан Аксаковтар ғаиләһе музейы асылыуға 10 йыл тулыуға арнала. Байрамды асыу тантанаһы 21 сентябрҙә Башҡорт дәүләт опера һәм балет театры алдында уҙҙы.

22 сентябрҙә ҡунаҡтарҙы бай мәҙәни программа менән Бәләбәй районында ҡаршы алдылар. 23 сентябрҙә Аксаков көндәре Ҡырмыҫҡалы районында дауам итте.

Күренекле рус яҙыусыһының иҫтәлегенә арналған байрам саралары 30 сентябргә тиклем бара.