Халыҡ-ара балаларҙы яҡлау көнө алдынан һәм ҡала көнө уңайынан Стәрлетамаҡта атайға һәм ғаиләгә арналған скульптуралар урынлаштырылды.

Һәйкәлдәрҙең береһендә иңбашына бәләкәй ҡыҙын ултыртҡан атай кеше һүрәтләнгән. Икенсе скульптура ғаиләгә арналған. Атай, әсәй, уларҙың улы менән ҡыҙы ҡулға-ҡул тотоношоп, урамға сыҡҡан, эргәләрендә бәләкәй генә эт тә бар. Ике һәйкәл дә ғаилә абруйын күтәреү, мәңгелек ҡиммәттәрҙе хөрмәтләүгә арнала.