Республикала «Һинең шәжәрәң» тигән ғилми йыйынтыҡ донъя күрҙе. Был йыйынтыҡҡа Мәсетле районының ауылдарында йыйып алынған төрлө мәғлүмәттәр һәм күҙәтеүҙәр кергән.
Ғалимдарҙың әйтеүе буйынса, XVIII—ХХ быуаттың башында донъя күргән документтар, Башҡортостандың төнъяҡ-көнсығыш ауыл-ҡасабаларының тарихын өйрәнгәндә, шәжәрә төҙөгәндә алмаштырғыһыҙ сығанаҡ булып тора.
Был китап 1995-1997 йылда донъя күргән материалдарҙың икенсе йыйынтығы, Китап тәү башлап тарихсылар, уҡытыусылар һәм үҙенең тыуған яғы менән ҡыҙыҡһынған бөтә шәхестәр өсөн дә файҙалы. Йыйынтыҡ Башҡортостан Гуманитар тикшеренеү институты белгестәре ҡатнашлығында сығарылған. Китаптың авторҙары институттың ғилми эшмәкәрҙәре Булат Дәүләтбаев һәм Гөлназ Азаматова. «Башҡортостандың мәҙәни донъяһы» порталы