Республиканың ғилми потенциалын үҫтереүгә, талантлы йәш ғалимдарҙы дәртләндереүгә йүнәлтелгән премия 2002 йылда булдырыла. Ул ике йылға бер тапшырыла.

Ике йыл элек уның күләме 150 мең һумға еткерелде. 12 йыл эсендә егерме йәш ғалим һәм 10 коллектив премия лауреаты тип танылды. Йәштәр өсөн тәғәйенләнгән дәүләт премияһына ғалимдар, юғары уҡыу йорттары уҡытыусылары, аспиранттар, докторанттар, халыҡ хужалығында эшләүсе утыҙ биш йәшкә тиклемге айырым шәхестәр, биш кешенән артмаған төркөмдәр дәғүә итә ала.