«Грэмми» премияһы лауреаты Ильдар Абдразаков әйтеүе буйынса, был уның өсөн көтөлмәгән яңылыҡ булып тора. Күрше Татарстан Республикаһында сығыштарым бик үк йыш та булманы, әммә Татарстан Республикаһы хөкүмәтенә мин рәхмәтлемен һәм минең эшемә ошондай ҙур баһа биреү өсөн бик тә ҡәнәғәтмен. Шулай ҙа Илдар Татарстанда үткән Ф. Шаляпин исемен йөрөткән фестивалдәрҙә ҡатнашҡаны бар. Шулай уҡ танылған яҡташыбыҙ Илдар Абдразаков, йырсы О. Бородина менән «Рахлин миҙгелдәре» тип аталған халыҡ-ара фестивалендә лә сығыш яһағайны.
Иҫкәртәбеҙ, 2012 йылының аҙағында, Башҡортостан Республикаһы Президенты Р.З. Хәмитов указына ярашлы, Илдар Абдразаковҡа Башкортостандың халыҡ артисы тигән исем бирелгәйне. Шулай итеп, хәҙерге көндә, «Донъяның иң һәйбәт бас йырсыһы» тигән лайыҡлы исем йөрөткән яҡташыбыҙ, күрше Татарстандың да халыҡ артисы булды. «Башҡортостандың мәҙәни донъяһы» порталы