15 март Силәбе өлкәһе Ҡоншаҡ районының Хәлит ауылында, 16 март 17.00 сәғәттә Силәбе ҡалаһының «Импульс» ял итеү үҙәгендә БР-ҙың халыҡ артисы Радик Вәлмөхәмәтов һәм Х.Әхмәтов исемендәге Башҡорт дәүләт филармонияһының «Ихлас» эстрада төркөмөнөң концерттары үтә. Йыр-моң кисәһе БР-ҙың Силәбе өлкәһендәге вәкиллеге ярҙамында үтә.

Радик Вәлмөхәмәтовты талантлы, үҙ өҫтөндә эшләгән, профессиональ йырсы тип беләбеҙ. Уның иҫәбендә халыҡ-ара һәм республика конкурстарында яуланған күп һанлы дипломдар, шулар араһында «Урал моңо», «Дуҫлыҡ йыры», «Ирәндек моңдары» һәм башҡалар. Радиктың репертуарында башҡорт халыҡ йырҙары, башҡорт һәм сит ил композиторҙары әҫәрҙәре.

«Ихлас» төркөмө составында БР-ҙың атҡаҙанған артисы, билдәле ҡурайсы Рушан Биктимеров, БР-ҙың атҡаҙанған артисы Рәмил Хазиев, шулай уҡ Венера Рәхмәтуллина, Хима Йәнбирҙина, Сулпан Хөсәйенова, Илшат Хөсәйенов, Илшат Салауатов.

Автор: Михаил Хабиров, БР-ҙың Силәбе өлкәһендәге вәкиллектең мәғлүмәт хеҙмәткәре