Башҡортостандың халыҡ шағиры Марат Кәримов 85 йәшлек күркәм юбилейын билдәләй
Бөгөн «Башҡортостан» дәүләт концерт залында Башҡортостандың халыҡ шағиры Марат Кәримовтың 85 йәшлек юбилейына арналған ижад кисәһе үтә.
Ижади осрашыуҙа шағирҙың ҡәләмдәштәре, шулай уҡ күрше Татарстан Республикаһынан ҡунаҡтар - Яҙыусылар союзы рәйесе Рәфис Ҡорбанов, яҡташыбыҙ Роберт Миңнуллин ҡатнашасаҡ.
Марат Кәримов – 20 китап, өс томлы һайланма әҫәрҙәр авторы. Әҫәрҙәре рус, украин, болгар, поляк телдәренә тәржемә ителгән.
Ижади кисә 19.00 сәғәттә башлана.
