17 октябрь көнө баш ҡалабыҙҙа иртәнге сәғәттәрҙә шағир һәйкәле алдындағы майҙанда оло әҙиптең иҫтәлегенә арналған төбәк-ара фестиваль ойошторола. 

Унда Башҡортостандың халыҡ шағирҙары, Салауат Юлаев исемендәге дәүләт премияһы лауреаттары, йәш шағирҙар, студенттар, әҙиптең яҡташтары һәм әҙәбиәт һөйөүселәр ҡатнаша. Мостай Кәримдең шиғырҙары ете телдә яңғыраясаҡ. Ошо уҡ көндө Өфөлә балалар һәм үҫмерҙәр араһында уҙғарылған «Мин һәм Мостай Кәрим» тип исемләнгән республика ижади конкурсына йомғаҡ яһала. Башҡортостан Президенты грантына лайыҡ булған проектҡа барлығы 200-ҙән ашыу ижади эш, шул иҫәптән хикәйәләр, иншалар, һүрәттәр тәҡдим ителгән.