7 октябрҙә Дмитрий Шостакович исемендәге Санкт Петербург академия филармонияһында Владимир Спиваковтың Халыҡ-ара хәйриә фонды стипендиаттарының, Өфөләге урта махсус музыкаль колледж уҡыусыларының, Петр Чайковский исемендәге Мәскәү дәүләт консерваторияһында белем алыусыларҙың концерты уҙғарылды. Башҡортостандан Кирилл Козлов, Гөлназ Сәхибгәрәева, Асия Ғарипова, Дилара Иҙрисова, Элиза Хунафина һәм башҡалар башҡарыуында Гайдн, Шопен, Лист, Чайковский, Рахманинов һымаҡ композиторҙарҙың әҫәрҙәре яңғыраны.

Төбәктәрҙә йәш таланттарға ярҙам буйынса проект һәм уға ярашлы Башҡортостан музыканттарының Мәскәү һәм Санкт Петербургтағы сығыштары – фонд етәксеһе Владимир Спиваков һәм Башҡортостан президенты Рөстәм Хәмитов ярҙамы менән ойошторолған.