Санкт-Петербург ҡалаһында үткән «Терем кроссовер» конкурс-фестивалендә виртуоз ҡурайсы Роберт Юлдашев һәм уның «Ҡурайсы» төркөмө «Тамашасы һөйөүе» наминацияһына лайыҡ булды.

Төркөмдөң төп маҡсаты милли халыҡ музыка ҡоралын һәм көйҙәрен бар донъяға танытыу. Улар Рәсәй төбәктәре буйлап гастролдәргә йөрөүҙән тыш, төрлө конкурс-фестивалдәрҙә лә даими ҡатнаша. «Терем-кроссовер» халыҡ-ара музыка фестивалендә башҡорт халыҡ көйө «Сыңрау торна»ны һәм Иоганн Бахтың сюитаһын башҡарып барыһын да таң ҡалдыра.

Конкурста бөтәһе 30 коллектив ҡатнаша. Гран-при быйыл берәүгә лә бирелмәһә, иң юғары баһа һаналған «Тамашасы һөйөүе»н Башҡортостан оҫталары яулай.

Cығанаҡ: Башҡортостан юлдаш телевидениеһы