14–15 мартта Мәсетле районында ҡубыҙсыларҙың һәм өҙләүселәрҙең төбәк-ара конкурсы үтә. Уның шарттарына ярашлы, ижади конкурс ике йылға бер һәм ике категорияла – 16 йәшкә тиклем һәм 16 йәштән өлкән – үтә. Ҡатнашыусы башҡарыу һәләтенән тыш, уйналған әҫәрҙең тарихын да яҡшы белергә тейеш.

Әлеге көндә Республика халыҡ ижады үҙәге мәғлүмәттәре буйынса, конкурсҡа Якутия, Алтай, Тыва, Силәбе, Пермь, Мәскәү, Башҡортостан музыканттарынан 250 яҡын ғаризалар ҡабул ителгән.

Жюри составында билдәле сәнғәт эшмәкәрҙәре, фольклорсы ғалимдар, шулай уҡ сит ил сәнғәт әһелдәре Лео Тадагава (Япония), Франц Кумпл (Австрия). Председателе – Рәсәйҙең һәм Башҡортостандың атҡаҙанған мәҙәниәт хеҙмәткәре, С.Юлаев исемендәге Дәүләт премияһы лауреаты Роберт Заһретдинов.

Сығанаҡ: Башинформ мәғлүмәт агенствоһы