Баҡалы таланттары
Районда һәләтле балаларҙы бүләкләү тантанаһы үтте. Сараға Лондонда үткән Паралимпия уйындарында биш тапҡыр миҙал яулаусы Оксана Савченко, Мифтахетдин Аҡмулла исемендәге Башҡорт дәүләт педагогия, Башҡорт дәүләт аграр университеты вәкилдәре саҡырылды. Улар Бөтә Рәсәй, республика һәм район кимәлендәге олимпиадаларҙа ҡатнашыусыларҙы, төрлө конкурс лауреаттарын һәм еңеүселәрҙе тәбрикләне.
Баҡалы районында уҡыу алдынғыларына гранттар дүртенсе йыл бүленә. Быйыл был сара республика кимәленә күтәрелгән. Һәм киләсәктә райондың һәләтле балаларын үҫтереү өҫтөндә республиканың юғары уҡыу йорттары уҡытыусылары эшләйәсәк.
Район мәҙәниәт йортоноң тамаша залы шығырым тулы. Дүрт йыл эсендә таланттарҙы билдәләү бында матур йолаға әүерелгән. Йәштәр беҙҙең киләсәк, ләкин ул яҡты булһын өсөн изгелек орлоҡтарын хәҙер үк сәсергә кәрәк, ти урындағылар.
Тантана ҡунаҡтары Баҡалы ауылының 2-се мәктәбе уҡыусылары менән дә осрашты. Биш тапҡыр Паралимпия уйындары чемпионы Оксана Савченко үҙенең уңыш серҙәре менән бүлеште. Шул уҡ ваҡытта район хакимиәте, педагогия университеты һәм урындағы меценаттар фонды араһында өс яҡлы килешеү төҙөлдө. Уға ярашлы һәләтле балалар киләсәктә юғары уҡыу йортонда белем аласаҡ.
Был мәктәптә һәләтле балаларҙы үҫтерә беләләр. Уҡытыусылар әйтеүенсә, дөрөҫ йүнәлеш табып, улар тиҫтәләп уҡыусыны бөтә ил кимәлендәге ярыштарға әҙерләгән.
Грант яулаусыларҙың береһе Айгөл Нәжмиева яңыраҡ ҡына флейтала сығыш яһап, халыҡ-ара йәш башҡарыусылар араһында үткән конкурста өсөнсө урынға лайыҡ булған. Бынан тыш, уңған ҡыҙ синтезаторҙа уйнай, йырҙар яҙа һәм моңло итеп йырлай ҙа белә. Ауыл еренән булһа ла «Һандар көйө» тип аталған республика конкурсында компьютерҙа кубейс программаһында яҙған йырҙарын башҡарып, беренсе урын алған.
10 класс уҡыусыһының бөтөнләй буш ваҡыты юҡ. Тырыш ҡыҙ мәктәптең уҡыу алдынғылары иҫәбендә. Ул даими рәүештә хоҡуҡ һәм йәмғиәтте өйрәнеү фәндәре буйынса үткәрелгән олимпиадаларҙа ҡатнашып, призлы урындар яулай. Музыка яратһам да, киләсәктә юрист һөнәрен һайларға уйлайым, ти Айгөл. Яҡты хыялдарҙың тормошҡа ашасағына өмөт ҙур. Ни тиһәң дә, районда алға әйҙәүсе, этәреүсе, һәләттәрҙе үҫтереүселәр бар. Сығанаҡ: Башҡортостан юлдаш телевидениеһы
Баҡалы районында уҡыу алдынғыларына гранттар дүртенсе йыл бүленә. Быйыл был сара республика кимәленә күтәрелгән. Һәм киләсәктә райондың һәләтле балаларын үҫтереү өҫтөндә республиканың юғары уҡыу йорттары уҡытыусылары эшләйәсәк.
Район мәҙәниәт йортоноң тамаша залы шығырым тулы. Дүрт йыл эсендә таланттарҙы билдәләү бында матур йолаға әүерелгән. Йәштәр беҙҙең киләсәк, ләкин ул яҡты булһын өсөн изгелек орлоҡтарын хәҙер үк сәсергә кәрәк, ти урындағылар.
Тантана ҡунаҡтары Баҡалы ауылының 2-се мәктәбе уҡыусылары менән дә осрашты. Биш тапҡыр Паралимпия уйындары чемпионы Оксана Савченко үҙенең уңыш серҙәре менән бүлеште. Шул уҡ ваҡытта район хакимиәте, педагогия университеты һәм урындағы меценаттар фонды араһында өс яҡлы килешеү төҙөлдө. Уға ярашлы һәләтле балалар киләсәктә юғары уҡыу йортонда белем аласаҡ.
Был мәктәптә һәләтле балаларҙы үҫтерә беләләр. Уҡытыусылар әйтеүенсә, дөрөҫ йүнәлеш табып, улар тиҫтәләп уҡыусыны бөтә ил кимәлендәге ярыштарға әҙерләгән.
Грант яулаусыларҙың береһе Айгөл Нәжмиева яңыраҡ ҡына флейтала сығыш яһап, халыҡ-ара йәш башҡарыусылар араһында үткән конкурста өсөнсө урынға лайыҡ булған. Бынан тыш, уңған ҡыҙ синтезаторҙа уйнай, йырҙар яҙа һәм моңло итеп йырлай ҙа белә. Ауыл еренән булһа ла «Һандар көйө» тип аталған республика конкурсында компьютерҙа кубейс программаһында яҙған йырҙарын башҡарып, беренсе урын алған.
10 класс уҡыусыһының бөтөнләй буш ваҡыты юҡ. Тырыш ҡыҙ мәктәптең уҡыу алдынғылары иҫәбендә. Ул даими рәүештә хоҡуҡ һәм йәмғиәтте өйрәнеү фәндәре буйынса үткәрелгән олимпиадаларҙа ҡатнашып, призлы урындар яулай. Музыка яратһам да, киләсәктә юрист һөнәрен һайларға уйлайым, ти Айгөл. Яҡты хыялдарҙың тормошҡа ашасағына өмөт ҙур. Ни тиһәң дә, районда алға әйҙәүсе, этәреүсе, һәләттәрҙе үҫтереүселәр бар. Сығанаҡ: Башҡортостан юлдаш телевидениеһы
