«Бельские просторы» ижтимағи-сәйәси һәм әҙәби-нәфис журналы II «Шәп тормошом» республика конкурсына йомғаҡ яһай. Бәйге үткән йылдың сентябрендә иғлан ителде.

Мәктәп, гимназия, лицей уҡыусылары араһында нәфис әҙәбиәтте популярлаштырыу һәм йәш таланттарға ярҙам итеү конкурстың төп маҡсаты булып торҙо.

Бәйге Башҡортостан Республикаһының Элемтә һәм киң коммуникациялар министрлығы, Мәғариф министрлығы, Мәҙәниәт министрлығы, Өфө хакимиәте, Башҡортостан Яҙыусылар союзы һәм төбәктең Журналистар союзы ярҙамында ойошторолдо.

Аҙаҡҡы саралар республика Президенты менән иғлан ителгән Имен бала саҡ һәм ғаилә ҡиммәттәрен нығытыу йылы сиктәрендә үтә.

Конкурста 400-ҙән ашыу бала ҡатнашты, тип хәбәр итте ойоштороусылар. Бихисап эштәр «Классный журнал» балалар баҫмаһында донъя күрҙе.

Бәйгегә йомғаҡ йома, 27 апрелдә, яһаласаҡ. Сара М.Аҡмулла исемендәге Башҡорт дәүләт педагогия академияһында 14 сәғәттә үтәсәк.

Сығанаҡ: «Башинформ»