"Бер алманы бишкә бүләйек"
"Рамазан" үҙәге 12 майҙа Башҡорт дәүләт опера һәм балет театрында уҙасаҡ "Бер алманы бишкә бүләйек" исемле әҙәби-музыкаль кисәгә саҡыра.
Башҡортостан йәмәғәтселегенең Татарстандың халыҡ шағиры Рәзил Вәлиев ижадына хөрмәт йөҙөнән ойошторолған был кисәлә татар һәм башҡорт әҙиптәре Марсель Ғәлиев, Рауил Бикбаев, Марат Кәримов, Риф Тойғонов, афған шағиры Асадулла Хан, артистар — Илһам Шакиров, Венера Ғәниева, Рөстәм Маликов, Илдус Әхмәтйәнов, Олег Ханов, Айҙар Ғәлимов, Фән Вәлиәхмәтов, Филүс Ҡаһиров, Венера һәм Марат Шәриповтар, Әлфиә Юлсурина, Римма Ключарева, Сара Буранбаева, Римма Амангилдина, Фәнир Ғәлимов, Фәнәүи Сәлихов, Әлим Ҡәйүмов, "Мираҫ" йыр һәм бейеү ансамбле, Башҡортостан һәм Татарстан театрҙары коллективтары, студенттар, уҡыусылар сығыш яһаясаҡ.
Күңелдәрҙә юйылмаҫлыҡ яҡты хәтирәләр ҡалдырасаҡ 2013 йыл яҙының иң сағыу мәҙәни байрамына — Рәзил Вәлиев ижадына бағышланған кисәгә — рәхим итегеҙ!
Билеттар ҡала кассаларында һатыла. Түбәндәге телефон буйынса мөрәжәғәт итергә лә мөмкин: (347) 272-77-12.
Сығанаҡ: "Башҡортостан" гәзите
