«Родина» кинотетарында «Бер һүҙ менән» тип аталған кино кисәһе үтте.

Сарала Булат Йосоповтың кино мәктәбе уҡыусылары Ирина Хужина менән Тимур Абдуллиндың ҡыҫҡа метражлы фильмдарының премьераһы булды. «Һеҙҙең һаулыҡҡа» һәм «Репортаж» тип аталған һигеҙ һәм ун ике минутлыҡ фильмдар үҙҙәренең эсенә тәрән мәғәнә алған. «Репортаж» фильмында беҙгә параллель донъяла дәүләт берәҙәк тормош алып барыусыларҙы юҡ итеү сәйәсәтен алып бара. Һәм шул турала сюжет төшөргән журналист эҙәрлекләүгә дусар була. Аҙаҡ системаға ҡаршы сыҡҡаны өсөн юҡ ителә. Ләкин үҙенең һуңғы репортажын Интернет селтәренә һалып өлгөрә.

Ә «Һеҙҙең һаулыҡҡа» фильмы медициналағы етешһеҙлектәрҙе фашлай.