М.Ғафури исемендәге Башҡорт дәүләт академия драма театры Ырымбур губернаһының 270 һәм өлкәнең 80 йыллығына бағышлап уҙғарыласаҡ Беренсе Волга буйы театр фестиваленә рәсми рәүештә саҡырыу алды. Фестиваль ошо йылдың 10-16 июнь арауығында Ырымбур ҡалаһында үтә. Театр фестивалгә «Маҡтымһылыу, Әбләй һәм Ҡара юрға » (Т.Ғарипова, реж. О.Ханов) мюзиклын тәҡдим итә һәм М.Горький исемендәге Ырымбур Рус дәүләт драма театры сәхнәһендә 15 июнь көнө сығыш яһай.