Зәйнәб Биишева исемендәге «Китап» нәшриәтендә балалар яҙыусыһы Рәшиҙә Биктың (Бикметова) Бөйөк Еңеүҙең 70 йыллығы айҡанлы «Берлинға тиклем!» тип аталған яңы китабы донъя күрҙе. Китапҡа йәш һалдаттың яҙмышын бәйән иткән поэма һәм патриотик шиғырҙар кергән.

Китап һүрәттәргә бик бай, рәссамы – Глеб Голубев. 6 йәштән өлкән балаларға тәғәйенләнгән китап 1000 экземпляр менән сыҡты һәм уны нәшриәт кибеттәрендә һатып алырға мөмкин.