Зәйнәб Биишева исемендәге «Китап» нәшриәте 25-28 июнь Мәскәүҙә Ҡыҙыл майҙанда үтәсәк «Рәсәй китаптары» фестивалендә ҡатнаша. Сара илдә иғлан ителгән Әҙәбиәт йылына арнала. Уның төп маҡсаты – илде китап уҡыуға саҡырыу. Фестивалдә илдең 50 төбәге һәм 300 яҡын нәшриәте ҡатнашасаҡ тип көтөлә. 

«Китап» нәшриәте Бөйөк Еңеүҙең 70 йыллығына арнап сығарған, шулай уҡ тыуған яҡ, сәнғәт, нәфис әҙәбиәт, кескәйҙәр өсөн сыҡҡан китаптарын күргәҙмәгә тәҡдим итәсәк.