«Башкортостандың мәҙәниәт донъяһы» интернет- порталында ҡунаҡта билдәле башҡорт яҙыусы-сатиригы һәм шағир-юморисы, Сергей Михалков исемендәге Халыҡ-ара әҙәби премия лауреаты Марсель Сәлимов булып китте.
Марсель Шәйнур улы беҙҙең менән портал асылғаны бирле хеҙмәттәшлек итә һәм йыш ҡына килеп беҙгә үҙенең теләктәрен еткерә, уй-хыялдары менән бүлешә.
Был юлы ла ул беҙгә үҙенең тәнҡит фекерҙәрен дә, маҡтау һүҙҙәрен дә йәлләмәне. «Миңә һеҙҙең эш алымығыҙ, интернет селтәрендә яңылыҡтарҙы халыҡҡа тиҙ арала еткереүегеҙ ныҡ оҡшай, тик заман технологиялары, телевидение, компьютер, интернет осоронда ла китап – рухи аҙыҡ һәр саҡ кәрәк буласаҡ. – тине ул.
Билдәле әҙип менән килешмәү мөмкин түгел, эйе ысынлап та китап ул китап булып ҡаласаҡ, хатта электрон булғанда ла.