Быйыл апрелдә Рәйес Ғәйетов машина аҫтына ҡалып ауыр хәлдә дауаханаға эләкте. Ай ярым иҫенә килә алмаған ижадсының сәләмәтлегендә ыңғай үҙгәрештәр күҙәтелә. Әле ул аңына килгән, әммә һөйләшә алмай. Дауаланыу курстары өсөн ҙур сығымдар талап ителә.Өфөләге «Мираҫ» күргәҙмәләр залында рәссамға ярҙам йөҙөнән хәйриә акцияһы үтә. 30 июндән 4 июлгә тиклем билдәле ижадсыларҙың эштәренән күргәҙмә ойошторола.

Ольга Рамаҙанова, «Мираҫ» күргәҙмәләр залының арт-директоры: «Күргәҙмәгә ҡуйылған эштәр арзан хаҡҡа тәҡдим ителәсәк. Был билдәле рәссамдарҙың картиналарын һатып алырға теләүселәрҙе күберәк йәлеп итер тип уйлайбыҙ. Беҙ ауыр хәлдә ятҡан Рәис Ғәйетовтың яҙмышына битараф булмаған һәр кемде акцияла ҡатнашырға саҡырабыҙ».

Рәссамға бергәләп ярҙам итәйек, ижад һөйөүселәр!