Был турала Указға Рөстәм Хәмитов ҡул ҡуйҙы. 

70-се йылдарҙа Азат Абдуллин «Ун өсөнсө председатель» драмаһы менән бөтә илгә таныла. Колхоз ауылы тормошоноң бөтә ҡатмарлыҡтарын сағылдырған әҫәр совет осоронда уҡ Вахтангов исемендәге театрҙа сәхнәләштерелә, унда төп ролде Василий Лановой башҡара. Артабан был пьеса Советтар Союзының йөҙләгән театрында, шулай уҡ Болгария, Чехословакия, Румыния, Америка Ҡушма Штаттары сәхнәләрендә лә ҡуйыла. 1985 йылда автор драманың дауамын – «Һуңғы уҙаман» әҫәрен ижад итә. 2004 йылда Роман Виктюктың театрында Рудольф Нуриев тормошона арналған «Раббым баҡсаһы» әҫәре ҡуйыла. Пьесаларҙан тыш, Азат Абдуллин тиҫтәләрсә повестар, шул иҫәптән «Аҡ һөт», «Ҡыҙыл ысыҡ» әҫәрҙәрен, публицистик очерктар ҙа ижад итә.

Ижадсыны маҡтаулы исем менән ҡайнар ҡотлайбыҙ!