Стәрлетамаҡ һәм Өфө ҡалаларында Волга буйы федераль округы региондарында эшләп килгән социаль проект – йырсы Дмитрий Маликовтың сәнғәт мәктәптәре уҡыусылары өсөн «Музыка дәрестәре» («Уроки музыки») мастер-класы үтәсәк. Проект интерактив шоу рәүешендә үтәсәк: уҡыусылар менән өҙлөкһөҙ аралашыу, уйынға ҡоролған мәсьәләләр сисеү, билдәле композиторҙарҙың әҫәрҙәрен башҡарыу һәм башҡалар. Мастер-класс шуныһы менән үҙенсәлекле, бында уҡыусылар тамашасы түгел, ә үҙҙәре актив ҡатнашыусы, дәрестең барышына тос өлөш индереүсе. Уҡыусыларҙа музыка аша тыуған илгә, ғаиләгә һөйөү тәрбиәләү – проекттың төп маҡсаттарының береһе.

Ләйлә Ишморатова, Мәҙәниәт министрлығының мәғлүмәт хеҙмәте