Өфө районының Яңы-Александровка ауылында үҙенсәлекле һүрәттәр менән биҙәү буйынса граффити-фестиваль асылды.

Ул  15 июнгә тиклем дауам итәсәк. Фестивалгә республиканың төрлө төбәктәренән ҡатнашыусылар йыйылды.

Баш ҡалала граффити сәнғәтен үҫтереү эше бынан өс йыл элек тормошҡа ашырыла башлаған ине, - ти сараны ойоштороусылар. Маҡсатҡа ирешеү өсөн Өфө районы Яңы-Александровка ауылының урамдарының береһе һайланған. Әле бында 15 кеше үҙенең ижады менән таныштыра. Улар барыһы ла ирекле темаға мөрәжәғәт иткән һәм һүрәттәре аша халыҡҡа үҙенең фекерен еткерергә тырыша.

«Башҡортостандың мәҙәни донъяһы» порталы