14 июнь йәмле Благовещен ерендә журалистар һабантуйы үтте. Ул журналистарҙың профессиональ байрамы – Матбуғат һәм мәғлүмәт көнөнә арналды. Сарала БР матбуғат һәм киң мәғлүмәт саралары агентлығы етәксеһе Борис Мелкоедов, «Башҡортостан Республикаһы Журналистар союзы» ойошмаһы председателе Артур Дәүләтбәков тә ҡатнашты.

Байрамға 68 гәзит-журнал, телевидение редакцияларынан 300 кеше йыйылды. Сара пионерҙар лагеры стилендә үтеүе менән үҙенсәлекле булды. Һабантуйҙа Журналистар союзына яңы ағзалар ҡабул иттеләр. Шулай уҡ матбуғат хеҙмәткәрҙәре спорт уйындарында актив ҡатнашты, ә кискеһен усаҡ янында гитараға ҡушылып йырҙар йырланылар.